Crime worse for white youth

Meer wit kinders en jongmense ervaar misdaad as enige ander bevolkingsgroep in Suid-Afrika, lui die Nasionale Jeugontwikkelingsagentskap (Nyda) se nasionale jeug-konsepverslag.

Die Nyda het die verslag, wat in samewerking met onder meer die Raad vir Geesteswetenskaplike Navorsing (RGN), die Mediese Navorsingsraad en Statistieke Suid-Afrika (SSA) saamgestel is, gister in Pretoria aan rolspelers soos jeugorganisasies, nie-regeringsorganisasies en regeringsverteenwoordigers voorgelê.

Luidens die verslag het ’n studie gewys meer wit kinders en jongmense in die ouderdomsgroep 12 tot 22 ervaar misdaad in vergelyking met ander bevolkingsgroepe.

Nyda sê in die verslag, “The South African Youth Context”, hy is verras met die “opvallende bevinding” aangesien wit gesinne in die algemeen ’n hoër lewenspeil het en in veiliger woonbuurte bly wat laer misdaadsyfers het.

Daar word nie aangedui onder hoeveel mense die studie gedoen is nie en die Nyda sê hoewel die statistieke leersaam is, skets dit nie ’n nasionale prentjie nie.

29% van die wit mense wat aan die studie deelgeneem het, het aangedui hulle het al die diefstal van persoonlike items ervaar.

Dit is hoër as swart mense (14,8%), Indiërs (13,5%) en bruin mense (23,4%).

Wit mense is met 16,6% ook boaan die lys van kinders en jongmense wat al aangerand is – gevolg deur bruin mense met 16,5%, swart mense (14,1%) en Indiërs (11,1%).

23,5% van die wit deelnemers het gesê hulle het huisinbrake ervaar.

Bruin mense (19,2%) is tweede op die lys, gevolg deur swart mense en In­diërs met onderskeidelik 14,3% en 9%.

Die meeste van die deelnemers wat aangedui het dat hulle al seksueel aangerand is, was bruin (4,4%) en swart (3,7%). 2,6% van die wit deelnemers het gesê hulle was al slagoffers van dié misdaad.

Die Nyda meen die “oënskynlike anomalie” beklemtoon die veelfasettige aard van misdaad in Suid-Afrika en stel ’n nasionale peiling voor.

Jeugdiges se “gewaagde seksuele gedrag”, wat veelvoudige, gelyktydige seksuele verhoudings, onveilige seks en inkonsekwente kondoomgebruik insluit, word in die verslag as een van die grootste bedreigings vir die gesondheid en welstand van die land se jeug bestempel.

Mnr. Collins Chabane, minister in die presidensie, het gesê die huidige konteks van jongmense in Suid-Afrika bring vrae na vore wat strategies aangepak sal moet word.

“Die kritieke vraag is of Suid-Afrika so geposisioneer is om voordeel te trek uit dié groot groep jeugdiges.”

Die Nyda sal die finale verslag aan pres. Jacob Zuma oorhandig, wat dit later vanjaar aan die parlement sal voorlê.

http://www.beeld.com/Suid-Afrika/Nuus/Misdaad-Ergste-vir-wittes-20120202
[date:] 2012-02-03

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s